ප්‍රාදේශීය ලේකම් කාර්යාලය - පානදුර

ඉටුකරනු ලබන සේවාවන්

• • උප්පැන්න/විවාහ/මරණ සහතික නිකුත් කිරිම (1960 සිට 2016 වර්ෂය දක්වා දිවයිනේ සියලුම දිස්ත්‍රික්ක වල ලියාපදිංචි කරන ලද උපැන්න සහතික සහ පානදුර ප්‍රාදේශිය ලේකම් කොට්ඨාශය තුළ ලියාපදිංචි කරන ලද සියළුම සහතික ලබාගත හැක.)
  • කල්ගිය උපත් ලියාපදිංචිය
  • නම් සංශෝධනය කිරීම
  • කල්ගිය මරණ ලියාපදිංචිය

2 වන තීරයේ නම සංශෝධනය කිරීම වයස අවුරුදු හතට අඩු

පෝරමය පිරවීමට උපදෙස්

1. මකන තීන්ත භාවිතා නොකරන්න.
2. ඉල්ලුම්කරුගේ අත්සන යන ස්ථානයේ ප්‍රකාශකරුගේ අත්සන තබන්න.(ස්ථාන තුනක අත්සන තැබීමට ඇත)
3. සංශෝධනය විය යුතු ආකාරයට නම වාසගම සහිත සැමවිටම සම්පුර්ණයෙන්ම ලියන්න.
4. පැහැදිලිව හා නිවැරදි පෝරමය පුරවන්න.
5. වැරදි සටහනක් සංශෝධනය කරනවිට තනි ඉරකින් කපා එයට ඉල්ලුම්කරුගේ කෙටි අත්සන තබන්න.
6. සාමදාන විනිශ්චයකාරවරයෙකු ලවා අත්සන් කරවාගෙන නිලමුද්‍රාව පෝරමයෙහි නිසිපරිදි තබන්න.

පහත ලියකියවිලි වල මුල්පිටපතක් පමණක් ඉදිරිපත් කරන්න.

1. අදාළ උප්පැන්නයේ කාර්යාලයෙන් ලබාගත් දම් පැහැති නිලමුද්‍රාව යෙදු පිටපතක්.
2. අදාළ සංශෝධනයට කැමැත්ත ප්‍රකාශ කරමින් පියාගෙන්/මවගෙන් (ඉල්ලුම්කරු නොවන අයගේ) ලිපියක්.
3. නම් දෙකෙන්ම හැදින්වෙන දෙදෙනෙකු නොවන බවට පියාගෙන්/මවගෙන් ලබාගත් දිවුරුම් ප්‍රකාශයක්(රු.50/- ක මුද්දරයක් මත අත්සන් කර සාමදාන විනිශ්චයකාරවරයෙක් ලවා සහතික කරවා ගත යුතුයි.)
4. ප්‍රකාශකරුගේ  පදිංචිය සනාථ කිරීමට ග්‍රාම නිලධාරි විසින් නිකුත් කරන පදිංචි සහතිකය(ඔබ පානදුර ප්‍රාදේශීය ලේකම් කාර්යාලයෙන් පිටත පදිංචි නම් අදාළ ප්‍රාදේශීය ලේකම් කාර්යාලයෙන් අනු අත්සන් කරගත යුතුයි.)
5. ඉල්ලීම් නම වෙනස් කිරීමේ අවශ්‍යතාවය සඳහන් ඉල්ලීම් ලිපිය.

පහත ලියවිලිවල මුල් පිටපත් හා ඡායා පිටපත බැගින් ඉදිරිපත් කරන්න.

1. දෙමාපිය ජාතික හැදුනුම්පත.
2. දෙමාපියන්ගේ විවාහ සහතිකය.
3. දෙමාපිය උප්පැන්න සහතික.

2 වන තීරයේ නම සංශෝධනය වයස අවුරුදු 21 ට වැඩි

පෝරමය පිරවීමට උපදෙස්

1. මැකෙන තීන්ත භාවිතයෙන් වලකින්න.
2. සැමවිටම නම ලිවීමේදි වාසගම සහිතව සම්පුර්ණයෙන්ම ලියන්න.
3. පැහැදිලි හා නිවැරදි අයුරින් පෝරමය පුරවන්න.
4. වැරදි සටහනක් සංශෝධනය කරන විට තනි ඉරකින් කපා එයට ඉදිරියෙන් ඉල්ලුම්කරුගේ කෙටිඅත්සන තබන්න.
5. ඉල්ලුම්කරු ලෙස සැමවිටම ඉදිරිපත් වන අය අත්සන් කලයුතුය.
6. සමාදාන විනිශ්චයකරවරයෙකු ලවා ඉල්ලුම්කරුගේ අත්සන නම වෙනස් කිරීමට අදාල ප්‍රකාශ පත්‍රයේ (ලි.ප.බී 10) සහ දිව්රුම් ප්‍රකාශයේ සහතික කරවා ගන්න. ඔහුගේ නිලමුද්‍රාව තබා ඇත්දැයි බලන්න.(ඉල්ලුම්කරු කළුතර දිස්ත්‍රික්කයෙන් පිටත පදිංචි කරුවෙකු නම් මුළු දිවයිනටම බලයලත් සමාදාන විනිශ්චයකරුවෙකු විය යුතුය.)
7. ඉදිරිපත් කරනු ලබන සාක්ෂි, ඉල්ලා සිටින නම සමඟ නිවැරදිව තහවුරු විය යුතුය.

පහත ලියකියවිලි වල මුල් පිටපත් පමණක් ඉදිරිපත් කරන්න

1. අදාළ උප්පැන්නයේ ප්‍රාදේශීය ලේකම් කාර්යාලයෙන් ලබාගත් දම් පැහැති නිලමුද්‍රාව යෙදු පිටපත.
2. නම් දෙකෙන්ම හැදින්වනු ලබන්නේ දෙදෙනෙකු නොව එක් අයෙකු බවට දිවුරුම් ප්‍රකාශය (රු.50/- ක මුද්දරයක් මත අත්සන තබන්න.)
3. ඉල්ලුම්කරු විසින් පල කරන ලද පුවත් පත් දැන්වීම සම්පූර්ණ පිටුව සමගම ඉදිරිපත් කරන්න(වාසගම හෝ නම වෙනස් කිරීමට නම් දැන්වීම පල කර අවුරුදු එකක් විය යුතුය.)
4. ඉල්ලුම්කරුගේ පදිංචි සහතිකය සහ නම සංශෝධනය පිළිබඳ අදාල ග්‍රාම නිලධාරී නිර්දේශය.( අදාල ප්‍රා‍දේශීය ලේකම් කාර්යාලයෙන් අනු අත්සන් කරගත යුතුය.
5. ඉල්ලුම්කරුගේ ජාතික හැදුනුම් පත, ඡායා පිටපතක් සමඟ ඉදිරිපත් කරන්න. (ජා.හැ.පත නොමැති නම් මෑතකදී ගත් ඡායා රූපයක් පිටුපස ග්‍රාම නිලධාරී වෙතින් අනන්‍යතාව තහවුරු කර ඉදිරිපත් කළ යුතුය.)
6. නම වෙනස් කිරීමට ඇති අවශ්‍යතාවය සඳහන් කරමින් ඉල්ලීම් ලිපිය
7. රැකියාවක නිරතවන්නෙකු නම් නම වෙනස් කිරීම පිළිබඳ සේවාස්ථානය දැනුවත් කල බවට ලිපියක්.
8. විවාහකයෙකු නම් ඉල්ලුම්කරුගේ විවාහ සහතිකය.

සංශෝධනය කරනු ලබන නමට සාක්ෂි වශයෙන් පහත ලියකියවිලි වල මුල් පිටපත හා ඡායා පිටපත බැගින් ඉදිරිපත් කරන්න.

1. දරුවන්ගේ උප්පැන්න.
2. ඡන්දහිමි නාම ලේඛනයේ පිටපතක්.
3. රියදුරු බලපත්‍රය.
4. විදේශ ගමන් බලපත්‍රය.
5. ඉල්ලුම්කරුගේ බැංකු ගිණුමකට අදාල පාස් පොත.- (බැංකුවේ නම, පුද්ගලයාගේ නම, ගිණුම පටන් ගත් දිනය, අවසාන වරට ගනු දෙනු කල දිනය සටහන් වනසේ ඡායා පිටපත් කර තිබිය යුතුය.)
6. පත් වීම් ලිපි.
7. පැසැල හැර යාමේ සහතිකය.
8. පැසැලට ඇතුලත් වීමේ ලේඛනයේ සහතික පිටපතක්.
9. ඉල්ලුම්කරුගේ ඉඩම් ඔප්පු, පත් ඉරු.
10. විශ්‍රාම ගැන්වීමේ ලිපි.අවම වශයෙන් ඉහත ලියවිලි 5 ක් වත් මුල් පිටපත් සමග ඡායා පිටපත් රැගෙන එන්න.